Hora e media tiña para darlle
unha voltiña, e tendo chovido coma choveu o venres mailo sábado, había que
probar as rodas polo barro, que o final foi ben pouco, pero había que sair na
prucura del.
Fíxenlle un “pit stop” na
gasolinera de Casalonga para lle baixar presión as gomas. A un bar e medio,
menos non eh!, que non me quero deixar a llanta no primeiro croio dun carreiro
calquera, paso!!... e JASSSS na procura do “Track” que teño cargado no teléfono.
Unha cousiña teño que dicir:
Os tempos e as distancias polo monte non che son ijuais. No monte cada minuto
intensifica o que lle segue e desmerece o anterior. Non digo que non pase o
tempo, simplemente digo que quince minutos por un tramo medio complicado,
faiche caldo na camiseta, así que unha hora mallando, para un recén chegado
coma min, eche unha a-ni-ma-la-da (notas de novato: sair de verán ainda que
neve). Por outra parte, ademáis do tempo, temos a distancia. Miña idea era de
facer o percorrido todo (que pasa polos concellos de Ames, Santiago e Negreira)
en menos de duas horas ou así... pero nunha hora non fixera máis que chegar a
Figueiras (que por asfalto levaríame sobre 10 min.) Vamos! que enredo mais polo
monte que no bar tomándolle a arrancadeira. Terei que pensar adicarlle unha
mañá enteira o paseo circular pola comarca...
A cousa é que rodando mais
polo “off” que polo “on”, cheguei o alto de Figueiras pouco despois de ter
espallado a moto pola corteza terrestre con bastante menos mimo do que quixera,
pero sonche cousas de novatos que hai que ir pulindo, verédelo no vídeo (nota:
coller unhas botas off das que non esbaran), así que para cando as primeiras
pingas decidironse materializar no meu casco, eu xa puxera os peteiros contra
casa e abríralle jas polo nejro coma se fora o fuckin Marquez sorteando vacas,
vellas e cadelas doentes. Adiantei a unha nuve treboenta nunha roda e dinlle as
costas a choiva derrapando cas duas mentras lambía o asfalto cas orellas, así
que cheguei a casa con marxe dabondo para pasarlle o tratorito polo prado antes
de que me collera a manta de auga.
Unha saida caralluda!!.
